Yanvarın 22-də Bəhruz Kəngərlinin anadan olmasının 129-cu ildönümü münasibəti ilə “Görkəmli rəssamın sənət dünyası” mövzusunda ümumtəhsil məktəbləri ilə Bəhruz Kəngərlinin Ev Muzeyi arasında interaktiv dərs keçirilib.
İnteraktiv dərsi muzeyin bələdçisi Rəna Əliyeva aparıb. Dərsdə qeyd edilib ki, Naxçıvan torpağı Azərbaycan xalqına görkəmli şəxsiyyətlər bəxş edib. Belə şəxsiyyətlərdən biri də milli rəssamlığın inkişafında özünəməxsus rol oynayan, Azərbaycan rəssamlıq sənətinə yeni üslub və milli ruh gətirən, ilk realist fırça ustası Bəhruz Kəngərlidir. O, 1892-ci il yanvarın 22-də Naxçıvan şəhərində anadan olub. İlk peşəkar rəssam kimi Tiflisdə oxuyandan sonra Naxçıvana qayıdıb və burada öz dövrünün tarixi abidələrini, insanlarını və onların həyat tərzini əks etdirən əsərlər çəkib.
21 yanvar 2021-ci il tarixdə Naxçıvan Muxtar Respublikası Təhsil və Mədəniyyət nazirlikləri tərəfindən təsdiq edilən tədbirlər planına uyğun olaraq Bəhruz Kəngərli Muzeyində açıq dərs keçirilmişdir. Naxçıvan Şəhər Təhsil Şöbəsi tərəfindən “Gənc rəssam ömrü” mövzusunda keçirilən açıq dərsdə 15 şagird iştirak edib.
Yanvarın 21-də Naxçıvan Muxtar Respublikası Təhsil Nazirliyinin Təşkilatçılığı ilə Heydər Əliyev Uşaq-Gənclər Yaradıcılıq Mərkəzində realist rəssam, rəssamlıq məktəbinin görkəmli nümayəndəsi Bəhruz Kəngərlinin 129 illik yubileyinə həsr olunmuş rəsm müsabiqəsi keçirilib. Müsabiqədə Heydər Əliyev adına tam orta məktəb, Naxçıvan Qızlar Liseyi, Naxçıvan Qarnizonu tam orta məktəbi və Naxçıvan Şəhər Təhsil Şöbəsinin tabeliyində olan 17 ümumtəhsil məktəbi üzrə ümumilikdə 20 şagird iştirak edib. Müsabiqənin təşkil edilməsində məqsəd yeniyetmə və gənclərə Bəhruz Kəngərlinin milli təsviri incəsənətimizin inkişafı və zənginləşdirilməsi yolunda göstərdiyi xidmətləri təbliğ etməkdən ibarət olub.
Naxçıvan Şəhər Təhsil Şöbəsi, Polis İdarəsi və İdman İdarəsinin birgə təşkilatçılığı ilə 2 və 13 nömrəli tam orta məktəblərin IX və XI sinif şagirdləri üçün maarifləndirici görüş keçirilmişdir. Naxçıvan Şəhər Polis İdarəsinin polis kapitanı Türkan Məmmədovanın “Yetkinlik yaşına çatan şagirdlərin sağlam həyat tərzi, tütün məhsullarının istifadəsinin zərərli təsirləri, erkən nigah və sosial şəbəkələrdən düzgün istifadə”, 1 nömrəli polis bölməsinin polis baş leytenant Toğrul Kərimlinin isə "Yetkinlik yaşına çatanlar və gənclər arasında cinayətkarlığın və hüquq pozuntularının profilaktikası mövzusunda təbliğat işinin aparılması, radikal və ekstremist yönümlü dini təriqətlərin yayılmasının qarşısının alınması" sahəsində söhbətləri dinlənilmişdir.
Naxçıvan Muxtar Respublikası Təhsil Nazirliyi tərəfindən "STEAM Naxçıvanda" layihəsinin icası ilə bağlı təşkil olunan təlimlər davam edir. Təlimin üçüncü günü müəllimlərə 3D printerdə hazırlanan modellərin əvvəlcədən kompüterdə proqram vasitəsilə prototiplerinin hazırlanması və çap üsulu öyrədilib.
