18 yanvar 2021-ci il tarixdə Babək Rayon Uşaq Gənclər Şahmat məktəbində 20 Yanvar şəhidlərinin xatirəsinə həsr olunmuş rayondaxili şahmat turniri keçirilmişdir. Turnir Babək Rayon Təhsil Şöbəsi və Uşaq Gənclər Şahmat Məktəbi tərəfindən təşkil edilmişdir.

Rayon ümumtəhsil məktəbləri arasında keçirilən turnirdə hər məktəbdən 3 oğlan və  1 qız olmaqla 64 şahmatçı iştirak etmişdir. Turnir başlamamışdan əvvəl 20 Yanvar və II Qarabağ şəhidlərinin xatirəsi bir dəqiqəlik sükutla yad edilmişdir.

Qaliblər Babək Rayon Təhsil Şöbəsinin diplomları ilə təltif edilmişlər.

Babək Rayon Təhsil Şöbəsi, Polis İdarəsi və Gənclər və İdman İdarəsinin birgə təşkilatçılğı ilə Babək şəhər 2 nömrəli, Şəkərabad və Yarımca kənd tam orta məktəblərində “Zərərli vərdişlərə yox deyək” mövzusunda şagirdlərlə görüş keçirilmişdir.

Görüşün təşkil edilməsində məqsəd şagirdləri zərərli vərdişlərdən uzaq olmaları və sosial şəbəkələrdən düzgün istifadə etmələri barədə maarifləndirməkdən ibarət olub. Görüşün təşkilatçıları məktəblilərə mövzu haqqında danışaraq, zərərli vərdişlərin insanın fiziki sağlamlığına və psixologiyasına vurduğu zərərlər, cəmiyyətdəki münasibətlərdə yaratdığı problemlər barədə məlumat vermiş, onları yaxşı vərdişlər qazanmağa və öz sağlamlıqlarının qeydinə qalmağa səsləmişlər.

Görüşdə şagirdləri maraqlandıran suallar cavablandırılıb.

Yanvarın 18-də Sədərək Rayon Təhsil Şöbəsinin təşkilatçılığı ilə Sədərək kənd 1 nömrəli tam orta məktəbdə basketbol üzrə idman klubları arasında “20 Yanvar Azərbaycan xalqının qəhrəmanlıq tarixidir” mövzusunda yoldaşlıq görüşü keçirilib.

Görüşdə Sədərək Rayon Təhsil Şöbəsinin əməkdaşları və basketbol idman klublarının rəhbərləri iştirak edib.

Buna təhsilə göstərilən qayğı sayəsində nail olunub

Ölkəmizdə təhsilin inkişafına böyük diqqət göstərilir. Azərbaycan müstəqillik qazandıqdan sonra digər sahələrlə yanaşı, təhsil də sürətlə inkişaf etməyə başladı, bu sahədə yeni uğurlar qazanıldı. Söz yox ki, bu uğurlar ulu öndər Heydər Əliyevin adı ilə bağlıdır. Ölkəmizdə ikinci dəfə hakimiyyətə qayıdan dahi şəxsiyyət yeni təhsil islahatının əsasını qoydu. Ümummilli liderimiz Heydər Əliyev demişdir: “Təhsil sahəsi həyatımızın ən gərəkli, ən mühüm sahəsidir. O, milli məqsədlər, mənafelər əsasında qurulmalıdır”. Ötən əsrin 90-cı illərində Azərbaycan təhsili ulu öndərin bu müddəalarına əsaslanan islahatlar nəticəsində əsl inkişaf mərhələsinə qədəm qoydu. Ulu öndərin yolunu uğurla davam etdirən ölkə başçısı cənab İlham Əliyev də təhsilin inkişafına böyük qayğı ilə yanaşır, yeni məktəb binalarının tikilməsi, yeni tədris korpuslarının istifadəyə verilməsi gələcəyimiz olan gənclərin daha yüksək səviyyədə təhsil almalarına zəmin yaradır.