Muxtar respublikada təhsilin bütün pillələri dövlət qayğısı ilə əhatə olunmuş, müasir tələblərə cavab verən infrastrukturun yaradılması istiqamətində mühüm tədbirlər həyata keçirilmişdir. Muxtar respublika rəhbərinin təhsilə göstərdiyi qayğının nəticəsində informasiya texnologiyalarının təhsilə tətbiqi diqqətdə saxlanılmış, təhsil müəssisələri 5500-dən çox internetə çıxışı olan kompüter, 600-dən çox elektron lövhə ilə təchiz edilmişdir. Bu sahədə həyata keçirilən uğurlu tədbirlərin nəticəsidir ki, təhsilin bütün pillələrində müasir informasiya və kommunikasiya texnologiyaları tətbiq olunmuş, bu zəmində əhalinin bütün təbəqələri üçün keyfiyyətli təhsil almaq imkanları təmin edilmişdir.

Apelyasiya komissiyasına müraciət etməmişdən əvvəl abituriyentlər DİM-in saytında  imtahan nəticələri ilə bağlı səhifədə öz nəticələri, cavab vərəqinin qrafik təsviri, hər bir açıq tipli tapşırıq üzrə qiymətləndirmə meyarları ilə tanış olmalıdırlar. Abituriyentlərin nəzərinə çatdırırıq ki, ümumiyyətlə tapşırığa cavab verməyib və ya öz cavabı ilə mümkün doğru cavabları, qiymətləndirmə şkalasını müqayisə edib tanış olmadan komissiyaya müraciət edənlərin müraciətlərinə baxılmayacaq.

Dövlət İmtahan Mərkəzi tərəfindən II və III ixtisas qrupları üzrə 13-14 avqust 2020-ci il tarixlərində keçirilmiş qəbul imtahanlarının nəticələri elan edilib.

İmtahanda iştirak edən abituriyentlər imtahan nəticələri, “cavab kartı” və “cavab vərəqi”nin qrafik təsvirləri, həmçinin hər bir açıq tipli tapşırıq üzrə qiymətləndirmə meyarları (tapşırığın ehtimal olunan doğru cavabları, həlli və qiymətləndirmə şkalası) ilə tanış ola bilərlər.

28 avqust 2020-ci il tarixində Sədərək Rayon Təhsil Şöbəsi və Uşaq-Gənclər İdman Məktəbinin birgə təşkilatçılığı ilə ümumtəhsil məktəblərinin qız şagirdləri və İdman məktəbinin oğlan şagirdləri arasında stolüstü tennis üzrə rayon birinciliyi keçirilib.

Birincilikdə çıxış edən İdman məktəbinin direktoru Nizami Bağırov şagirdlərə yarışın keçirilməsi haqqında məlumat verərək uğurlar arzulayıb.