Naxçıvan şəhər 16 nömrəli tam orta məktəbdə “Həmişə sağlam olaq” devizi altında Naxçıvan şəhər ümumtəhsil məktəblərinin komandaları arasında mini-futbol birinciliyi keçirilib. Birincilik Naxçıvan Şəhər Təhsil Şöbəsi, Naxçıvan Şəhər Gənclər və İdman İdarəsi və Uşaq-Gənclər İdman Məktəbinin rəhbərliyi ilə təşkil olunub. Birincilikdə Naxçıvan Şəhər Təhsil Şöbəsinin əməkdaşı Şahmar Hüseynov və Naxçıvan Şəhər Gənclər və İdman İdarəsinin rəisi Xəyal Qurbanov çıxış edərək, komandalara uğurlar arzulayıb və tədbiri açıq elan ediblər.
Bu gün Şərur Rayon Təhsil Şöbəsinin təşkilatçılığı ilə Şərur Rayon Uşaq-Gənclər Yaradıcılıq Mərkəzində “15 sentyabr-Bilik Günü” münasibəti ilə rəsm müsabiqəsi keçirilib. Müsabiqədə 25 məktəbdən 30 şagird iştirak edərək müəyyən yerlər qazanıb.
11 sentyabr 2020-ci il tarixdə Sədərək Rayon Təhsil Şöbəsinin təşkilatçılığı ilə Təhsil nazirinin müvafiq əmrinin icrasını təmin etmək məqəsidlə Sədərək rayon ümumtəhsil məktəblərinin təhsil işçiləri ilə onlayn metodiki bölmə iclası keçirilib.
Babək rayon Çeşməbasar kənd tam orta məktəbində Nehrəm qəsəbə 1 və 2 nömrəli tam orta məktəblərin yeniyetmələrindən ibarət komandalar arasında mini futbol üzrə yoldaşlıq görüşü keçirilib. Babək Rayon Təhsil Şöbəsi və Gənclər İdman İdarəsinin təşkilatçılığı ilə keçirilən görüşdə Nehrəm qəsəbə 1 nömrəli tam orta məktəbin komandası 7:2 hesabı ilə qalib adını qazanıb. Sonda iştirakçılara təşkilatçıların diplomları təqdim olundu.
11 sentyabr 2020-ci il tarixdə Muxtar Respublika Stadionunda “Zərərli vərdişlərə yox deyək, həmişə sağlam olaq” devizi altında Naxçıvan şəhər ümumtəhsil məktəblərinin oğlan şagirdləri arasında velosiped idman yarışı üzrə şəhər birinciliyi keçirilib.
