Naxçıvan Muxtar Respublikası Dövlət İmtahan Mərkəzi tərəfindən muxtar respublikanın dövlət ümumi təhsil müəssisələrində vakant vəzifələrə - psixoloq, laborant, kitabxana müdiri, kitabxanaçı, tərbiyəçi və uşaq birliyi təşkilatının rəhbəri vəzifələrinə işə qəbul üçün elan edilmiş müsabiqənin test imtahanları başlayıb.
Dövlət İmtahan Mərkəzinin mətbuat xidmətindən verilən məlumata görə, 107 vakant vəzifənin tutulması üçün müsabiqəyə müraciət etmiş 325 namizəd biliklərini yoxlayacaq. Vakansiyalar üzrə ən çox müraciət edən namizədlər uşaq birliyi təşkilatının rəhbəri (129), kitabxana müdiri (72) və psixoloq (44) vəzifələri üzrə olub. Bu sahədə ön sırada Naxçıvan şəhəri (112), Babək (71) və Şərur (57) rayonları dayanır.
Ardını oxu...
|
Azərbaycan Respublikasının Prezidenti cənab İlham Əliyev deyib: “Biz inamla irəliyə gedirik. İrəliyə getmək üçün yolumuz açıqdır. Bu təməlini ulu öndər qoymuşdur. Bir daha demək istəyirəm ki, biz bu siyasətə sadiqik. Bizim yolumuz müstəqillik, milli ləyaqət, inkişaf, tərəqqi mahalle. Bizi bu yoldan heç kim döndər bilməz”. Bu gün dövlət başçısının rəhbərliyi ilə müstəqil Azərbaycan və onun Naxçıvan Muxtar Respublikası davamlı inkişaf və tərəqqi dövrünü yaşayır. Sabitlik və sürətli sosial-iqtisadi inkişaf, aparılan genişmiqyaslı quruculuq işləri, açılan yeni iş yerləri, istehsal və xidmət sahələrinin yaradılması dövlət müstəqilliyinin bəhrələridir.
Ardını oxu... 
Muxtar respublikada xalqımızın qədim adət-ənənələrinin, milli-mənəvi dəyərlərinin qorunub yaşadılmasına xüsusi diqqət yetirilir. Məscid və mərasim evlərinin inşası da görülən bu işlərin tərkib hissəsi kimi mühüm əhəmiyyətə malikdir.
Oktyabrın 18-də Şahbuz şəhərində mərasim evi istifadəyə verilib.
Naxçıvan Muxtar Respublikası Ali Məclisinin Sədri Vasif Talıbov binada yaradılan şəraitlə tanış olub.
Məlumat verilib ki, 104 yerlik mərasim evi zal, 2 mətbəx və kombi otağından ibarətdir. Mərasim evi Şahbuz şəhər bələdiyyəsinin balansındadır. Bina istilik və soyutma sistemləri ilə təchiz edilib, mətbəxdə mebel quraşdırılaraq lazımi avadanlıqlar qoyulub, həyət abadlaşdırılıb.
Şahbuz bələdiyyəsinin sədri İlham Qəhrəmanov Şahbuz şəhərində əlamətdar gündə mərasim evinin istifadəyə verilməsinin sakinlər tərəfindən minnətdarlıqla qarşılandığını bildirib.
Ali Məclisin Sədri qurulanların qorunması barədə tapşırıqlar verib.
Oktyabrın 18-də Naxçıvan Muxtar Respublikası Ali Məclisinin Sədri Vasif Talıbov Şahbuz şəhərində məktəbdənkənar təhsil müəssisələri üçün inşa olunan binanın layihəsinə baxıb, tikinti işləri ilə də maraqlanıb.
Məlumat verilib ki, zirzəmi ilə birlikdə 4 mərtəbədən ibarət olacaq binada dəmir-beton işləri yekunlaşdırılıb. Tikinti işləri yekunlaşdıqdan sonra binada Uşaq-Gənclər Yaradıcılıq Mərkəzi, Texniki Yaradıcılıq Mərkəzi və Turist-Diyarşünaslıq Mərkəzinin fəaliyyəti üçün şərait yaradılacaqdır.
Ali Məclisin Sədri tikinti işlərinin gedişi ilə bağlı müvafiq tapşırıqlar verib.
Naxçıvan Muxtar Respublikası Təhsil Nazirliyinin təşkilatçılığı ilə oktyabrın 18-də Naxçıvan Dövlət Texniki Kollecində məktəblilərin “Yaradıcılıq müsabiqəsi”nin şəhər mərhələsi keçirilib.
Məktəblilərin “Yaradıcılıq müsabiqəsi” Azərbaycan xalqının əzm və iradəsinin, gücünün və müasir ordu quruculuğunun ölkəmizin qələbəsini təmin edən mühüm amillər olduğunun şagirdlərə aşılanması və milli ruhda tərbiyə olunan vətənpərvər gənclərin yetişdirilməsi məqsədilə keçirilir.
Ardını oxu... |
|
