AMEA Naxçıvan Bölməsinin Təbii Ehtiyatlar İnstitutunun əməkdaşı, kimya üzrə fəlsəfə doktoru, dosent Hüseynov Qorxmaz Mansur oğlunun elmi rəhbərliyi ilə Naxçıvan şəhər 1№-li tam orta məktəbin X sinif şagirdi Rəhimli Rəna Coşqun qızının “Hidrokimyəvi metodla CuSbS2 və Cu3SbS3 birləşmələrinin alınması” adlı məqaləsi Rusiyanın Penza şəhərində “Elm və Təhsil” Beynəlxalq Elmi Əməkdaşlıq Məzkəzinin 10 fevral 2022-ci ildə təşkil etdiyi “Müasir elmi tədqiqatlar: aktual məsələlər, nailiyyətlər və yeniliklər ” Beynəlxalq elmi-praktik konfarınsına göndərilmiş və müsabiqədə I yerə layiq görülmüşdür.

Naxçıvan Muxtar Respublikası Təhsil Nazirliyi tərəfindən Kenquru Beynəlxalq Riyaziyyat Müsabiqəsininqaliblərinin mükafatlandırılması ilə bağlı tədbir keçirilib.

Tədbirdə Naxçıvan Muxtar Respublikasının təhsil naziri Rəhman Məmmədov çıxış edərək bildirib ki, dövlətimizin hərtərəfli diqqət və qayğısı ilə təhsil müəssisələrinin maddi-tədris bazası daha da möhkəmləndirilib, tədris prosesi günün tələbləri səviyyəsində qurulub. Fənn kabinələri, fizika, kimya, biologiya laboratoriyaları zəruri avadanlıqlarla təmin olunub. Bütün bunlar isə təhsilin səviyyəsinin yüksəldilməsinə geniş imkanlar açıb.

Təhsil naziri bildirib ki, istedadı və yaradıcı təfəkkürü ilə seçilən şagirdləri aşkar etmək istiqamətində də müxtəlif tədbirlər həyata keçirilir. Muxtar respublika məktəblilərinin olimpiada hərəkatında daha fəal iştirak etmələri məqsədilə cari tədris ilində  muxtar respublika və respublika olimpiadaları ilə yanaşı beynəlxalq olimpiada və müsabiqələr də keçirilib.

Cari tədris ilində IX-XI sinif şagirdləri üçün “Məktəblilərin muxtar respublika fənn olimpiadaları”,  “Respublika fənn olimpiadaları”nın rayon (şəhər) və yarımfinal mərhələləri, II-X sinif şagirdləri üçün “Kenquru Beynəlxalq Riyaziyyat Müsabiqəsi”,  VII-IX sinif şagirdləri üçün “Amerikan Riyaziyyat Müsabqəsi” keçirilmişdir. Növbəti aylarda isə “Respublika fənn olimpiadaları”nın final mərhələsi, V siniflər üçün “Lütfi Zadə adına Məktəblilərarası  Məntiq Olimpiadası”,  VI-VII siniflər üçün “Respublika fənn müsabiqəsi”, I-XI sinif şagirdləri üçün isə “SASMO” Beynəlxalq riyaziyyat olimpiadasının keçirilməsi nəzərdə tutulur.

Naxçıvan Muxtar Respublikası Ali Məclisinin Sədri Vasif Talıbov martın 5-də "Naxçıvan Muxtar Respublikası təltiflərinin verilməsi haqqında" Sərəncam imzalayıb.

Sərəncamda deyilir:

"Naxçıvan Muxtar Respublikası Konstitusiyasının 5-ci maddəsinin II hissəsinin 21-ci bəndini rəhbər tutaraq qərara alıram:

Naxçıvan Muxtar Respublikasının sosial-iqtisadi inkişafında səmərəli fəaliyyətlərinə görə:

Babayeva Zərövşən Yaşar qızı

Məmmədova Ruqiyyə Hüseyn qızı − “Əməkdar müəllim” fəxri adı ilə;

İsmayılova Səkinə Hacı qızı – “Əməkdar həkim” fəxri adı ilə;

Rüstəmova Gülşad Qəzənfər qızı – “Əməkdar tibb işçisi” fəxri adı ilə;

Rüstəmova Süsən Elmixan qızı – “Əməkdar mədəniyyət işçisi” fəxri adı ilə;

Hüseynova Rəna Sultan qızı

Muxtarova Fərqanə Yusif qızı

Nağıyeva Elnurə Adıgözəl qızı – “Rəşadətli əməyə görə” nişanı ilə təltif edilsinlər".