Naxçıvan Muxtar Respublikası Təhsil Nazirliyi, Naxçıvan Muxtar Respublikası Gənclər Fondu və Həmkarlar İttifaqı Şurasının birgə təşkilatçılığı ilə keçirilən “STEAM Yay məktəbi” uğurla başa çatıb.
Muxtar respublikamızda ilk dəfə təşkil olunan Yay məktəbinin əsas məqsədi şagirdlərin STEAM ilə tanışlığı, yeni dərs ilində tədris olunacaq dərsləri daha asan mənimsəmələri, bu yeni metodun ana psrinsiplərindən biri olan qrup şəkilində çalışmaq bacarıqlarını inkişaf etdirməkdən ibarət olub.
STEAM təhsili üzrə şagirdlərdə zəruri bilik və bacarıqların möhkəmləndirilməsi, öyrənilənlərin ümumiləşdirilməsi məqsədilə Ağbulaq istirahət mərkəzində keçirilən “Yay məktəbi” şagirdlərin dünyagörüşünün və intellektual səviyyələrinin düzgün istiqamətləndirilməsi, biliyinin zənginləşdirilməsi ilə yanaşı, onların şəxsiyyət kimi formalaşması, fiziki, psixoloji, idraki və sosial inkişafı, potensial imkanlarının üzə çıxarılması, müstəqillik, yaradıcılıq, təşəbbüskarlıq kimi keyfiyyətlərinin formalaşması və asudə vaxtlarının səmərəli təşkil edilməsi baxımından da əhəmiyyətlidir.
