Babək rayon ümumtəhsil məktəblərində şagirdlərin bilik və bacarıqlarının, dünyagörüşlərinin artırılması, onların asudə vaxtlarının səmərəli təşkili və şagirdlərin fiziki hazırlıq göstəricilərinin inkişafı üçün bir sıra tədbirlər keçirilmişdir.  Belə ki, Babək rayon Şıxmahmud kənd tam orta məktəbində Nizami ilinə həsr olunmuş tədbir keçirilmişdir. Tədbirdə N.Gəncəvinin “Sirlər Xəzinəsi” poeması təhlil olunmuş, “Kərpickəsən qocanın hekayəti” səhnələşdirilmiş, şairin lirik şeirləri şagirdlər tərəfindən səsləndirilmişdir.

Babək rayon Nəcəfalıdizə kənd tam orta məktəbində isə şagirdlər arsasında şahmat yarışı və siniflər arası voleybol yarışı keçirilmişdir. Hər iki yarışın sonunda qaliblər diplom və müxtəlif hədiyyələrlə mükafatlandırılmışdır.

Kəngərli Rayon Təhsil Şöbəsinin təsdiq etdiyi qrafikə uyğun olaraq ümumtəhsil məktəblərində Naxçıvan Muxtar Respublikası Ali Məclisi  Sədrinin Sərəncamı ilə təsdiq olunmuş “Oxunması zəruri olan kitablar”ın siyahısına daxil edilən maarifçilik ideyaları ilə xalqına misilsiz xidmət göstərən Məhəmməd Tağı Sidqinin “Məktəb hekayələri” kitabının müzakirəsi təşkil olunub.

Müzakirənin keçirilməsində məqsəd şagirdlərin asudə vaxtlarını səmərəli keçirmələri, kitab oxumağa marağın artırılması, məktəblilərdə mütaliə vərdişlərini formalaşdırmaq və Azərbaycanın tanınmış mütəfəkkirlərinin yaradıcılığına maraq oyatmaqdır.

Ulu öndər Heydər Əliyev hər bir insanda ən yüksək mənəvi keyfiyyət sayılan milli vətənpərvərlik haqqında belə demişdir: “Milli vətənpərvərlik prinsipi gərək körpəlikdən başlayaraq hər bir vətəndaşın həyat prinsipi, həyat qanunu, nizamnaməsi olsun”.

Vətənpərvərlik hər kəsin doğulub boya-başa çatdığı el-obaya, torpağa, vətəndaşı olduğu ölkəyə məhəbbətdən başlayır. Lakin vətənpərvərlik təkcə Vətəni sevmək deyil, həm də Vətən naminə çalışmaq, onu qorumağa hər an hazır olmaq, onun yolunda hünər, qəhrəmanlıq, fədakarlıq göstərmək, Vətənin, xalqın hər bir nailiyyətinə sevinməkdir. Bu hiss insanda anadangəlmə olsa da, onu düzgün formalaşdırmaq, möhkəmləndirmək, inkişaf etdirmək lazımdır. Bu, insanda bir çox mənəvi keyfiyyətlər – qəhrəmanlıq, fədakarlıq, cəsurluq, mətinlik, dözümlülük hisslərini gücləndirir.

Martın 30-da Sədərək Rayon Təhsil Şöbəsinin təşkilatçılığı ilə Sədərək rayon Tarix Diyarşünaslıq müzeyində “31 Mart - Azərbaycanlıların Soyqırımı Günü” ilə əlaqədar olaraq açıq dərs keçirilib.

Açıq dərsdə Təhsil Şöbəsinin əməkdaşları, Sədərək kənd 2 nömrəli tam orta məktəbin tarix müəllimi və ümumtəhsil məktəblərinin IX-XI sinif şagirdləri iştirak edib.

Dərsi aparan Elsəvər Səfərov şagirdlərə bildirib ki, 1918-ci ilin mart ayından etibarən Bakı şəhərində, habelə Bakı quberniyasına daxil olan Şamaxı, Quba və digər şəhər və qəzalarda on minlərlə dinc sakin məhz etnik və dini mənsubiyyətinə görə qətlə yetirilib, yaşayış məntəqələri dağıdılıb, mədəniyyət abidələri, məscid və qəbiristanlıqlar yerlə-yeksan edilib. Sonrakı dövrlərdə daha da azğınlaşan erməni millətçiləri qeyri-insani əməllərini davam etdirib, Qarabağ, Zəngəzur, Naxçıvan, Şirvan, İrəvan və digər bölgələrdə kütləvi qətllər, talanlar və etnik təmizləmələr həyata keçiriblər.