18 mart 2021-ci il tarixdə Naxçıvan Muxtar Respublikası Təhsil Nazirliyi və Rəssamlar Birliyinin birgə təşkilatçılığı ilə məktəblilərin təsviri və dekorativ-tətbiqi sənət müsabiqəsinin növbəti mərhələsi Kəngərli rayonunda keçirilib.

Müsabiqə məktəblilərin maraq və bacarıqlarının, intellektual səviyyəsi və yaradıcı qabiliyyətlərinin aşkarlanması, müxtəlif məktəbdənkənar istiqamətlər üzrə aktiv yaradıcılıq fəaliyyətinə cəlb olunması ilə fərdi potensiallarının sistemli inkişafı, ümumtəhsil məktəblərinin müvafiq sahələr üzrə sinifdənxaric və məktəbdənkənar fəaliyyətlərinin qiymətləndirilməsi məqsədilə keçirilir.

18 mart 2021-ci il tarixdə Sədərək rayon Heydərabad qəsəbə tam orta məktəbində təsviri və dekorativ-tətbiqi sənət müsabiqəsinin Sədərək rayon turu keçirilib.

Təhsil Nazirliyi və Rəssamlar Birliyinin birgə təşkilatçılığı ilə keçirilən məktəblilərin təsviri və dekorativ-tətbiqi sənət müsabiqəsi şagirdlərin maraq və bacarıqlarının, intellektual səviyyə və yaradıcı qabiliyyətlərinin aşkarlanması, onların fərdi potensiallarının inkişafı, ümumtəhsil məktəblərinin müvafiq sahələr üzrə sinifdənxaric və məktəbdənkənar fəaliyyətlərinin qiymətləndirilməsi məqsədilə keçirilib.

Şahbuz Rayon Təhsil Şöbəsi, Polis Şöbəsi və Uşaq-Gənclər İdman İdarəsinin birgə təşkilatçılığı ilə Şahbuz şəhər 2 nömrəli tam orta məktəbdə ümumtəhsil məktəblərinin komandaları arasında “Zərərli vərdişlərə yox deyək, sağlam olaq” devizi altında voleybol yarışı keçirilib.

Yarışdan öncə çıxış edən Təhsil Şöbəsinin aparıcı məsləhətçisi Fikrət Cəfərov şagirdlərin Uşaq-Gənclər İdman Məktəbinə cəlb edilməsi, onlarla aparılan işdən və məktəblilərin voleybola olan marağından söz açıb. Bildirilib ki, muxtar respublikada, eləcə də Şahbuz rayonunda şagirdlərin fiziki sağlamlıqlarının qorunması və onların asudə vaxtlarının səmərəli təşkili üçün məktəblərdə hər cür şərait yaradılıb. Yaradılan bu şəraitdən lazımınca istifadə etməklə rayonda idman növlərinin inkişafına nail olmaq üçün səylə çalışırıq.

17 mart 2021-ci il tarixdə Culfa Rayon Uşaq Gənclər Şahmat Məktəbində Rayon İcra Hakimiyyəti və Təhsil Şöbəsinin birgə təşkilatçılığı ilə şahmat dərsini tədris edən müəllimlərlə görüş keçirilmişdir.

Görüşdə çıxış edənlər son illərdə Naxçıvan Muxtar Respublikasında, o cümlədən Culfa Rayonunun əhatə etdiyi ümumtəhsil məktəblərində şahmat sinifləri yaradılmış və bu siniflərin hamısı şahmat avadanlıqları və elektron lövhələrlə təmin edilmişdir. Təqdirolunası haldır ki, muxtar respublikamızda əhalinin bütün təbəqələri şahmata cəlb olunur, dövlət idarələrinin əməkdaşları arasında, eləcə də məhdud fiziki imkanlı şəxslər arasında da şahmat yarışları təşkil edilir. Bir sözlə Naxçıvan Muxtar Respublikasında şahmata maraqlı insanların bu idman növü ilə məşğul olması üçün hər bir şərait yaradılır.