Ordubad Rayon Təhsil Şöbəsi və Gənclər və İdman İdarəsinin birgə təşkilatçılığı ilə Ordubad şəhər 3 nömrəli tam orta rayon ümumtəhsil məktəblərinin şagirdləri arasında inşa yazı və şeir müsabiqəsi keçirilib. Müsabiqə şagirdlərə vətənpərvərlik və vətəndaşlıq hisslərinin aşılanması məqsədilə təşkil edilib.
Müsabiqəyə rayon ümumtəhsil məktəbləri üzrə 20 inşa yazı təqdim olunub. Münsiflər heyətinin qərarı ilə Ordubad şəhər 3 nömrəli tam orta məktəbin şagirdi Əliyeva Züleyxa Kamil qızı I yerə, Kotam kənd tam orta məktəbin şagirdi Məmmədli Rəvan Heydər oğlu II yerə, Vələver kənd tam orta məktəbin şagirdi Əsgərova Raidə Ceyhun qızı isə III yerə layiq görülüb.
Naxçıvan Muxtar Respublikası Təhsil Nazirliyi və Rəssamlar Birliyinin təsdiq etdikləri birgə əsasnaməyə uyğun olaraq məktəblilərin maraq və bacarıqlarının, intellektual səviyyəsinin və yaradıcılıq qabiliyyətlərinin üzə çıxarılması məqsədilə 19 mart 2021-ci il tarixdə Şahbuz şəhər 2 nömrəli tam orta məktəbdə rayonun ümumtəhsil məktəblərinin şagirdləri arasında təsviri və dekorativ-tətbiqi sənət müsabiqəsinin rayon mərhələsi keçirilib. Müsabiqədə rayonun 23 ümumtəhsil məktəbi üzrə 30 şagird tərəfindən muxtar respublikanın tarixini, milli-mənəvi dəyərlərini əks etdirən 45 rəsm və 185 əl işi nümayiş etdirilib.
Martın 19-da Naxçıvan Muxtar Respublikası Təhsil Nazirliyinin 2021-ci ilin mart ayı ərzində keçiriləcək tədbirlər planına əsasən Ekoloji Tərbiyə Mərkəzində “Ekoloji məktəb” layihəsinin davamı olaraq “Qızılgül bitkisinin əkilməsi və ona aqrotexniki qulluq qaydaları” mövzusunda açıq dərnək məşğələsi keçirilib.
Naxçıvan şəhər 5 nömrəli tam orta məktəbin VI sinif şagirdləri arasında bilik yarışı keçirilib. “Şuşa”, “Xarıbülbül”, “Suqovuşan”, “Sarı gəlin” və “Zəfər” komandalarının iştirak etdiyi yarışda şagirdlərə Azərbaycan dili fənni üzrə 15, Riyaziyyat fənni üzrə 15, II Qarabağ müharibəsi mövzusunda isə 10 sual verilib. “Şuşa” komandası ən çox suala cavab verdiyi üçün I, “Xarıbülbül” komandası II, “Sarı gəlin” komandası isə III yerə layiq görülüb.
axçıvan Muxtar Respublikası Ali Məclisinin Sədri Vasif Talıbov martın 19-da Naxçıvan Texniki Peşə və Sürücülük Məktəbinin publik hüquqi şəxsə çevrilməsi haqqında Sərəncam imzalayıb.
