Babək Rayon Təhsil Şöbəsi, Polis İdarəsi və Gənclər və İdman İdarəsinin birgə təşkilatçılğı ilə Babək şəhər 2 nömrəli, Şəkərabad və Yarımca kənd tam orta məktəblərində “Zərərli vərdişlərə yox deyək” mövzusunda şagirdlərlə görüş keçirilmişdir.

Görüşün təşkil edilməsində məqsəd şagirdləri zərərli vərdişlərdən uzaq olmaları və sosial şəbəkələrdən düzgün istifadə etmələri barədə maarifləndirməkdən ibarət olub. Görüşün təşkilatçıları məktəblilərə mövzu haqqında danışaraq, zərərli vərdişlərin insanın fiziki sağlamlığına və psixologiyasına vurduğu zərərlər, cəmiyyətdəki münasibətlərdə yaratdığı problemlər barədə məlumat vermiş, onları yaxşı vərdişlər qazanmağa və öz sağlamlıqlarının qeydinə qalmağa səsləmişlər.

Görüşdə şagirdləri maraqlandıran suallar cavablandırılıb.

Yanvarın 18-də Sədərək Rayon Təhsil Şöbəsinin təşkilatçılığı ilə Sədərək kənd 1 nömrəli tam orta məktəbdə basketbol üzrə idman klubları arasında “20 Yanvar Azərbaycan xalqının qəhrəmanlıq tarixidir” mövzusunda yoldaşlıq görüşü keçirilib.

Görüşdə Sədərək Rayon Təhsil Şöbəsinin əməkdaşları və basketbol idman klublarının rəhbərləri iştirak edib.

Buna təhsilə göstərilən qayğı sayəsində nail olunub

Ölkəmizdə təhsilin inkişafına böyük diqqət göstərilir. Azərbaycan müstəqillik qazandıqdan sonra digər sahələrlə yanaşı, təhsil də sürətlə inkişaf etməyə başladı, bu sahədə yeni uğurlar qazanıldı. Söz yox ki, bu uğurlar ulu öndər Heydər Əliyevin adı ilə bağlıdır. Ölkəmizdə ikinci dəfə hakimiyyətə qayıdan dahi şəxsiyyət yeni təhsil islahatının əsasını qoydu. Ümummilli liderimiz Heydər Əliyev demişdir: “Təhsil sahəsi həyatımızın ən gərəkli, ən mühüm sahəsidir. O, milli məqsədlər, mənafelər əsasında qurulmalıdır”. Ötən əsrin 90-cı illərində Azərbaycan təhsili ulu öndərin bu müddəalarına əsaslanan islahatlar nəticəsində əsl inkişaf mərhələsinə qədəm qoydu. Ulu öndərin yolunu uğurla davam etdirən ölkə başçısı cənab İlham Əliyev də təhsilin inkişafına böyük qayğı ilə yanaşır, yeni məktəb binalarının tikilməsi, yeni tədris korpuslarının istifadəyə verilməsi gələcəyimiz olan gənclərin daha yüksək səviyyədə təhsil almalarına zəmin yaradır.

20 Yanvar faciəsi təkcə Azərbaycan xalqına deyil, bəşəriyyətə, humanizmə, insanlığa qarşı həyata keçirilən dəhşətli terror aktıdır. Bu fikir Naxçıvan şəhərindəki Xatirə Muzeyi ilə muxtar respublikanın 200-dən çox ümumtəhsil məktəbi arasında “20 Yanvar Azərbaycan xalqının qəhrəmanlıq tarixidir” mövzusunda keçilən interaktiv dərsdə səsləndirilib.

İnteraktiv dərsdə muzeyin bələdçisi bildirib ki, muzeydə 2 mindən çox eksponat var və onlardan 400-ə yaxını ekspozisiyada nümayiş etdirilir. Ötən əsrin əvvəllərindən başlayaraq təcavüzkar erməni daşnaklarının azərbaycanlılara qarşı müxtəlif illərdə törətdikləri dəhşətli cinayətlərin izləri bu eksponatlarda öz əksini tapıb. Azərbaycanın suverenliyi və ərazi bütövlüyü uğrunda döyüşlərdə həlak olanların xatirəsinin əbədiləşdirildiyi muzeydə şəhidlərin fotoşəkilləri, şəxsi sənədləri, döyüş fəaliyyətlərini əks etdirən materiallar saxlanılır. Eyni zamanda muzeydə qəhrəmanlıq tariximizin müxtəlif dövrlərinə aid kitablar nümayiş etdirilir.