Bu gün Ordubad Rayon Təhsil Şöbəsi və Uşaq-Gənclər İdman Məktəbinin  birgə təşkilatçılığı ilə ümumtəhsil məktəblərinin qızlardan ibarət basketbol komandaları arasında rayon birinciliyi keçirilib. Birinciliyin keçirilməsində əsas məqsəd şagirdlərin yay tətili ərzində asudə vaxtlarını səmərəli təşkil etmək və məktəblilər arasında basketbol idman növünü inkişaf etdirməkdən ibarət olub.

Bu gündən Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın Test mərkəzində dövlət ümumi təhsil müəssisələrində çalışan müəllimlərin bilik və bacarıqlarının qiymətləndirilməsinin aparılması üçün test imtahanlarına start verilib.

Məlum olduğu kimi, 21 avqust 2020-ci il tarixində II, III və V ixtisas qrupları üzrə ali təhsil müəssisələrinə və 9 illik təhsil bazasında kolleclərə sənəd verən abituriyentlər üçün Naxçıvan Muxtar Respublikasında:

– ali və ya orta ixtisas təhsili müəssisələrinin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı;

– qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan (Azərbaycan və ya rus dili) imtahanları keçiriləcək.

Bu gün Naxçıvan Muxtar Respublikası Turist Diyarşünaslıq Mərkəzində “Naxçıvanın turizm imkanları və turistlik istirahət bölgələri” mövzusunda onlayn məşğələ keçirilib. Məşğələnin keçirilməsində məqsəd şagirdlərin biliklərinin möhkəmləndirilməsi və onların asudə vaxtlarının səmərəli keçirilməsindən ibarət idi.