Xəbərlər

Eksternat qaydasında keçiriləcək imtahanlara sənəd qəbulu başlayır

14.11.23 14:42 | 14.11.23 14:48 ərzində olan dəyişikliklər

Əvvəlki illərdə ümumi təhsil müəssisələrini ümumi orta (IX) və tam orta (XI) təhsil səviyyəsi üzrə başa vura bilməyən şəxslər üçün eksternat qaydasında keçiriləcək imtahanlara sənəd qəbulu başlayır.
Naxçıvan Muxtar Respublikası Təhsil Nazirliyinin tabeliyində fəaliyyət göstərən təhsil müəssisələrində əvvəlki illərdə təhsil almış, lakin ümumi orta və ya tam orta təhsil səviyyəsini başa vura bilməyən şəxslərin sənəd qəbulu 13 noyabr 2023-cü il tarixdən - 15 dekabr 2023-cü il tarixədək həyata keçiriləcək.

Ardını oxu...

Respublika fənn olimpiadalarına qeydiyyat başlayır

13.11.23 11:56 | 13.11.23 12:30 ərzində olan dəyişikliklər

Respublika fənn olimpiadalarında iştirak üçün elektron qeydiyyat prosesinə start verilir. Prosesə bu gün saat 15:00-dan başlanılacaq. Şagirdlər https://portal.edu.a

platforması üzərindən qeydiyyatdan keçməklə “Müsabiqə və olimpiadalar” bölməsində müvafiq xidmətdən faydalana bilərlər:

13 – 23 noyabr tarixlərində qeydiyyat və sorğuların qəbul edilməsi;
28 noyabrdan buraxılış vərəqələrinin şəxsi kabinet vasitəsilə əldə edilməsi prosesi həyata keçiriləcək.

Qeyd edək ki, respublika fənn olimpiadalarının rayon (şəhər) mərhələsi informatika fənni üzrə dekabrın 16 (8-9-cu siniflər) və 17-də (10-11-ci siniflər), digər fənlər üzrə isə dekabrın 24-də keçiriləcək.

Qeydiyyatla bağlı yaranan hər hansı çətinliklə əlaqədar +994 50 791 46 31 nömrəsinə “WhatsApp” üzərindən müraciət etmək mümkündür.

Fənn olimpiadalarının keçirilməsində məqsəd şagirdlərdə özünəinam hissini gücləndirmək, ayrı-ayrı fənlər üzrə istedadı və yaradıcı təfəkkürü ilə fərqlənənləri aşkar etməklə onların potensial imkanlarının inkişafı istiqamətində tədbirlər müəyyənləşdirmək, həmçinin məktəblilərin ixtisas və peşə seçiminə hazırlanması üçün zəmin yaratmaqdır.

Fənn olimpiadaları Kapital Bankın baş sponsorluğu ilə təşkil edilir.

“Vətən Əmanəti” mövzusunda tədbir keçirilib

07.11.23 18:07

Noyabrın 7-də Naxçıvan şəhər Gənclik Mərkəzində Naxçıvan Muxtar Respublikası Təhsil Nazirliyi və Həmkarlar İttifaqları Şurasının təşkilatçılığı ilə 8 noyabr - Zəfər gününə həsr olunmuş “Vətən Əmanəti” adlı tədbir keçirilib.
Tədbirin əvvəlində Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsinin müavini Samir Seyidəhmədli xalqımızın Ümummilli Lideri Heydər Əliyevin layiqli davamçısı müzəffər Ali Baş Komandan, Prezident cənab İlham Əliyevin rəhbərliyi ilə Vətən müharibəsində əldə edilən Zəfərdən danışıb, bu tarixi günləri unudulmaz edənlərə – Ali Baş Komandanımızın iradəsini gerçəkləşdirən, qəhrəmanlıq salnaməsini yazan güclü Ordumuza, şəhidlərimizə, igid qazilərimizə borclu olduğumuzu bildirib. “Şəhidlərimiz başımızın tacıdır” deyən Samir Seyidəhmədli qeyd edib ki, onları daim ehtiramla yad etməli, qazilərimizin cəmiyyətə inteqrasiyası və sağlamlığının bərpasına dəstək olmalıyıq.

Ardını oxu...

Məktəblilər arasında teatr müsabiqəsi keçirilib

06.11.23 09:04

Naxçıvan Şəhər Təhsil Şöbəsi, Gənclər və İdman İdarəsi, Naxçıvan Dövlət Uşaq, “Yeni Era” Uşaq və Gənclər teatrlarının təşkilatçılığı, "Alya" kitab- dəftərxana mağazasının dəstəyi ilə Naxçıvan şəhər ümumtəhsil məktəblərinin komandaları arasında “Gənc aktyorlar” adlı teatr müsabiqəsi keçirilib.
Noyabrın 3-də Naxçıvan Dövlət Uşaq Teatrında final mərhələsinə vəsiqə qazanan 3, 9, 12 və 14 nömrəli tam orta məktəblərin komandalarının tamaşası izlənilib və münsiflər heyəti tərəfindən müvafiq balla qiymətləndirilib. Belə ki, 14 nömrəli tam orta məktəbin komandası I yerə, 9 nömrəli tam orta məktəbin komandası II yerə, 3 nömrəli tam orta məktəbin komandası III yerə, 12 nömrəli tam orta məktəbin komandası isə həvəsləndirici yerə layiq görülüb.
Sonda I yeri tutan komandanın üzvlərinə "Alya" kitab və dəftərxana mağazasının hədiyyələri, fərqlənən komandalara və komanda üzvlərinə isə təşkilatçıların diplomları təqdim olunub.

Müsabiqə qalibləri ilə görüş keçirilib

04.11.23 08:38

Noyabrın 3-də Kenquru Beynəlxalq Riyaziyyat Müsabiqəsi, “Mən fəxr edirəm ki, azərbaycanlıyam!” adlı onlayn videoçarx və foto müsabiqəsində qalib olan şagirdlərlə görüş keçirilib.
Görüşdə Azərbaycan Respublikası Elm və Təhsil Nazirliyinin Fəxri fərmanı, medal və hədiyyələri şagirdlərə təqdim olunub.
Qeyd edək ki, Kenquru Beynəlxalq Riyaziyyat Müsabiqəsində 1-i qızıl, 2-si gümüş, 2-si isə bürünc medala layiq görülməklə ümumilikdə 5 şagirdimiz qalib olub.
Azərbaycan Respublikası Elm və Təhsil Nazirliyinin təşkilatçılığı ilə ümumtəhsil məktəblərinin şagirdləri və uşaq-gənclər inkişaf mərkəzlərinin dərnək üzvləri arasında ümummilli lider Heydər Əliyevin anadan olmasının 100 illiyinə həsr olunmuş “Mən fəxr edirəm ki, azərbaycanlıyam!” adlı videoçarx və foto müsabiqəsində isə 2 məktəblimiz qalib olub.

Başqa məqalələr...