Layihəyə minimum 3 il pedaqoji staja malik təhsilverənlər müraciət edərək qatıla bilərlər. Layihənin 4 mərhələdə həyata keçirilməsi nəzərdə tutulur. I mərhələdə elektron qeydiyyat (5-15 oktyabr), II mərhələdə məlumatların araşdırılması, III mərhələdə müsahibələrin keçirilməsi, IV mərhələdə nəticələrin elan olunması, V mərhələdə isə təlimlər keçiriləcək. Layihənin həyata keçirilməsində məqsəd təhsilverənlərin motivasiyasının artırılması, fəaliyyətində fərqlənən (olimpiada qalibi şagird sayı, sertifikatlaşdırma nəticələri, IX sinif buraxılış imtahanı nəticələri) müəllimlərin karyera imkanlarının genişləndirilməsidir (təşkilatçı, direktor, direktor müavini kimi təyinat). Layihə pilot olaraq akademik göstəriciləri ilə fərqlənən Naxçıvan Qızlar Liseyi, Heydər Əliyev adına tam orta məktəbdə, 5, 8, 12 və 14 nömrəli tam orta məktəblərdə çalışan müəllimlər üçün nəzərdə tutulur.Naxçıvan Muxtar Respublikası Təhsil Nazirliyi tərəfindən təhsilverənlərin karyera imkanlarının artırılması məqsdilə “Həmkardan-həmkara dəstək” layihəsinə start verilib.
|
2023-2024-cü tədris ilində muxtar respublikanın ümumtəhsil məktəblərinə 2597 uşaq məktəbəhazırlıq qruplarına qəbul olunub və bu gündən məşğələlərə başlanılıb. Bu qruplara qəbul üçün qeydiyyat mektebeqebul.edu.az elektron sistemi üzərindən həyata keçirilib. Dövlət ümumtəhsil məktəblərində yaradılmış məktəbəhazırlıq qruplarına 5 yaşı həmin il tamam olmuş uşaqlar qəbul olunublar. Azərbaycan bölməsi üzrə məktəb və müəllim seçimi 11 avqustdan, tədris digər dillərdə aparılan bölmələr üzrə məktəb və müəllim seçimi isə 15 avqustan aktiv edilib. Muxtar respublikanın ümumtəhsil məktəblərinə 168 sinif kompleksində 2597 uşaq qeydiyyatdan keçib ki, onların 1449 oğlanlar 1148 isə qızlardır.
Ardını oxu... Ukrayna Respublikasında yerləşən Akademik Zərifə Əliyeva adına İrpen Humanitar Xarici dillər Liseyinin direktoru Valentina Antonenko və İrpen şəhər Təhsil İdarəsinin əməkdaşı Oksana Zubenko muxtar respublikada səfərdə olub. Ukraynalı qonaqlarla yanaşı Bakıda yerləşən Zərifə Əliyeva adına Liseyin direktor müavini Aynur Hüseynova və SOCAR-ın nümayəndəsi Vüsal Əhmədov da Kəngərli rayonunun Şahtaxtı kəndində akademik Zərifə Əliyeva adına Şahtaxtı kənd tam orta məktəbinə gəliblər. Qonaqlar əvvəlcə akademikin - məktəbin foyesində yerləşən büstünü ziyarət edib, qarşısına tər güllər düzüblər. Məktəbdə yerləşən alimin həyat və fəaliyyətini əks etdirən Xatirə Muzeyini ziyarət edəndən sonra siniflərlə tanış olub, tədris prosesini izləyiblər.
Ardını oxu...
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli Naxçıvan şəhər 8 nömrəli tam orta məktəbdə 27 Sentyabr - Anım Gününə həsr olunan dərsdə iştirak edib. 9 A sinfinin şagirdləri Fuad Nəcəflinin 27 Sentyabr - Anım Günü ilə bağlı suallarını cavablandırıblar. Azərbaycanın dövlətçilik tarixindən və Ulu Öndər Heydər Əliyevin Azərbaycana rəhbərliyinin hər iki dövründən söhbət açan səlahiyyətli nümayəndə bildirib ki, Sovet ittifaqında rəhbər vəzifələrdə çalışan Ümummilli Lider öz gərgin əməyi sayəsində Azərbaycan Respublikasını digər SSRİ respublikaları arasında önə çıxarıb, hər zaman Azərbaycan xalqını, onun maraq və mənafeyini bütün maraqlardan üstün tutub.
Ardını oxu... İnteraktiv dərsi Şahbuz şəhər 1 nömrəli tam orta məktəbinin tarix müəllimi Rauf Bağırov aparıb. Bildirilib ki, 27 sentyabr Azərbaycan Respublikasının Prezidenti cənab İlham Əliyevin 2020-ci il 2 dekabr tarixli Sərəncamı ilə Anım Günü kimi qeyd edilir. Bu təqvimin Azərbaycan tarixində çox mühüm əhəmiyyəti var. Məhz 2020-ci ilin bu günündə Azərbaycan Silahlı Qüvvələri Ali Baş Komandan cənab İlham Əliyevin rəhbərliyi ilə torpaqlarımızın işğaldan azad olunması üçün mübarizəyə qalxmış və 44 gün ərzində öz müqəddəs məqsədinə çataraq Vətənimizin ərazi bütövlüyünü təmin etmişdir.
Ardını oxu... |
|