Naxçıvan şəhər ümumtəhsil məktəblərinin şagirdləri muzeylərdə təşkil olunan açıq dərs və sərgilərdə iştirak etmişlər.

Naxçıvan şəhər 5 nömrəli tam orta məktəbin şagirdləri Hüseyn Cavid Ev Muzeyində, 6 nömrəli tam orta məktəbin şagirdləri Cəlil Məmmədquluzadənin Ev Muzeyində, 9 nömrəli tam orta məktəbin şagirdləri Cəmşid Naxçıvanski Ev Muzeyində, 12 nömrəli tam orta məktəbin şagirdləri Naxçıvan Dövlət Xalça muzeyində, 15 nömrəli tam orta məktəbin şagirdləri isə Naxçıvan şəhər Xatirə Muzeyində keçirilən açıq dərslərdə iştirak etmişlər.

Sədədərək Rayon Təhsil Şöbəsi, Şahmat Federasiyasının rayon bölməsi, Yevlax Şəhər Uşaq-Gənclər İdman Şahmat Məkətəbi və İzmir Deha Satranc Mərkəzinin birgə təşkilatçılığı ilə Azərbaycan və Türkiyə şahmatçı şagirdləri arasında  “Bir Millət İki Dövlət” devizi altında yoldaşlıq görüşü keçiriləcək.

16 mart 2021-ci il tarixdə saat 20:00-da keçiriləcək görüşdə Azərbaycanın rayon və şəhərlərindən Yevlax, Göyçay, Ucar, Ağdaş, Samux, Oğuz, Tərtər, Bərdə Uşaq Gənclər İdman Şahmat məktəbləri, Naxçıvan Muxtar Respublikasından Sədərək və Kəngərli Rayon Uşaq-Gənclər Şahmat məktəblərinin komandaları və Türkiyədən İzmir Deha, Muğla, Ankara, Beyaz kale, Denizli, İsgenderum, Karşıyaka, Manisa, Sardes və Kırıkkale Satranc Mərkəzləri və kulublarının komandaları iştirak edəcək.

13 mart 2021-ci il tarixdə Kəngərli rayonunda şahmat üzrə muxtar respublika komanda birinciliyi keçirilib.

Tədbiri giriş nitqi ilə açan Təhsil Şöbəsinin müdiri Emin Məmmədxanlı bildirib ki, yarışın keçirilməsində əsas məqsəd şagirdlər arasında intellektual idman növü olan  şahmat oyununu təbliğ etmək, idman və dostluq əlaqələrini inkişaf etdirmək, eyni zamanda onların asudə vaxtlarını səmərəli təşkil etməkdən ibarətdir. Diqqətə çatdırıb ki, bu gün Ali Məclis Sədrinin diqqət və qayğısı nəticəsində Naxçıvan şahmatı yeni inkişaf dövrünü yaşayır. Çıxışının sonunda o yaradılan şəraitə görə iştirakçılar adından Ali Məclis Sədrinə minnətdarlığını bildirib.

Ayrı-ayrı fənlər, eləcə də incəsənətin müxtəlif sahələri və idman növləri üzrə istedadlı şagirdlərin olimpiadalara, bilik və idman yarışlarına cəlbinin daha da genişləndirilməsi, onların intellektual yarışlarda iştirakının təşviq və təşkil olunması məqsədilə Kəngərli rayon ümumtəhsil məktəblərində müxtəlif tədbirlər keçirilib.

Kəngərli Rayon Təhsil Şöbəsi, Uşaq-Gənclər İdman Məktəbi və Polis Şöbəsinin birgə təşkilatçılığı ilə Böyükdüz kənd tam orta məktəbinin idman zalında Kəngərli rayon ümumtəhsil məktəblərinin şagirdləri arasında Qıvraq qəsəbə, Xok, Şahtaxtı və Böyükdüz kənd tam orta məktəblərinin oğlanlardan ibarət voleybol idman klubları arasında yoldaşlıq görüşü keçirilib.