Ordubad şəhər İnternat tam orta məktəbində sosial qayğıya ehtiyacı olan məktəblilərlə görüş keçirilib.

Tədbirdə Ordubad Rayon İcra Hakimiyyətinin başçısı Elşad Məmmədov, Naxçıvan Muxtar Respublikasının Təhsil naziri Rəhman Məmmədov, Ailə Qadın və Uşaq Problemləri üzrə Dövlət Komitəsinin sədri Ramilə Seyidova çıxış edib. Bildirilib ki, muxtar respublikada yaşayan bütün kateqoriyadan olan uşaqlara, o cümlədən valideynlərini itirmiş və valideyn himayəsindən məhrum olmuş uşaqlara diqqət və qayğı göstərilir. Onların təhsili, milli  ruhda təlim-tərbiyəsi, dünyagörüşünün formalaşması, sağlamlıqlarının  qorunması daim diqqət mərkəzində saxlanılır.

Sədərək kənd 1 nömrəli tam orta məktəbdə Sədərək Rayon Təhsil Şöbəsi, Polis Şöbəsi, Gənclər və İdman İdarəsinin təşkilatçılığı ilə yetkinlik yaşına çatmayan uşaqların milli mənəvi dəyərlər və vətənpərvər ruhda tərbiyə edilməsi, asudə vaxtlarında idman yarışlarının təşkil edilməsi və idmana cəlb edilmələri məqsədilə profilaktik tədbir keçirilib.

Tədbirdə Təhsil Şöbəsinin əməkdaşları, Sədərək Rayon Polis Şöbəsinin Yetkinlik Yaşına Çatmayanların Proflaktik İşinin Təşkili Şöbəsi üzrə inspektoru, Polis Kapitanı Qulu Quliyev, İcra hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Nazim Mehdiyev və Gənclər və İdman İdarəsinin müdiri Polad Rzazadə iştirak edib.

2021-2022-ci tədris ili üçün yenidən nəşr olunacaq II və VI sinif dərsliklərin müzakirəsi davam edir. Prosesin davamı kimi qrafikə uyğun olaraq dekabrın 24-də VI sinif Riyaziyyat dərsliyinin nəşrqabağı təkmilləşdirilməsinə dair müzakirə aparılıb. Müzakirə Naxçıvan Muxtar Respublikası Təhsil Nazirliyi tərəfindən onlayn qaydada keçirilib.

Müzakirədə riyaziyyat ixtisası üzrə 50-dən çox muxtar respublika ümumtəhsil məktəblərinin qabaqcıl müəllimləri və ali təhsil müəssisələrinin professor-müəllim heyəti layihə dərsliklərlə bağlı irad və təkliflərini bildiriblər.

Heydər Əliyev Muzeyində 24 dekabr 2020-ci il tarixdə Naxçıvan şəhər 12 nömrəli tam orta məktəbin 15 şagirdinin iştirakı ilə növbəti açıq dərs keçirilib.

Muzeyin əməkdaşı Gülnar Quluzadə tərəfindən “Heydər Əliyev və Dünya Azərbaycanlılarının Həmrəyliyi Günü” mövzusunda keçirilən açıq dərsdə bildirilib ki, “Dünya Azərbaycanlılarının Həmrəyliyi Günü” Azərbaycan millətinin birlik şüarının simvolik günüdür. Bu bayram ayrı-ayrı ölkələrdə yaşayan soydaşlarımızın və həmvətənlilərimizin respublikamızla əlaqələrinin daha da möhkəmləndirilməsi, dünya azərbaycanlıları arasında birliyin və həmrəyliyin yaradılması işində mühüm rol oynamaqdadır. Dünya Azərbaycanlılarının Həmrəylik Gününün qeyd edilməsi isə bütün dünya azərbaycanlıları tərəfindən artıq bir zərurətə və mənəvi ehtiyaca çevrilmişdi.