24 dekabr 2020-ci il tarixdə Babək Rayon Uşaq-Gənclər Şahmat məktəbində “31 dekabr - Dünya Azərbaycanlılarının Həmrəyliyi Günü”nə həsr olunmuş şahmat üzrə seans oyunu keçirilib.

Naxçıvan Muxtar Respublikası Gənclər və İdman Nazirliyinin təşkilatçılığı ilə hazırlanan “Vətənə məhəbbət hisslərinin yüksəldilməsi, rəşadətli ordumuzun, qəhrəman əsgərlərimizin İkinci Qarabağ Müharibəsində nümayiş etdirdikləri şücayətin gənc rəssamların gözü ilə hər kəsə çatdırılması” mövzusunda Rəssamlar Birliyinin Bəhruz Kəngərli adına sərgi salonunda ali və orta ixtisas məktəblərinin tələbələri arasında müsabiqə keçirilmişdir.  Müsabiqədə  Naxçıvan Dövlət Texniki Kollecinin tələbələri iştirak etmişdir. Müsabiqədə yer tutan Kollecin tələbələri Naxçıvan Muxtar Respublikası Gənclər və İdman Nazirliyi və Rəssamlar Birliyi tərəfindən diplom və mükafatlarla təltif olunmuşdur. Nəticələrə görə Qənbərova İnci Mahir qızı I yerə,  Tağıyev Elnur Faiq oğlu III yerə,  Rüstəmli Fərid Tahir oğlu,  Bəylərova Həcər Zöhrab qızı və Nağıyeva Ülviyyə Rəşad qızı isə həvəsləndirici yerə layiq görülüb.

Naxçıvan Şəhər Peşə Liseyində 22 dekabr 2020-ci il tarixdə “Yol Hərəkəti qaydaları uşaqların gözü” ilə adlı tədbir keçirilib.

Tədbiri giriş sözü ilə açan Liseyin Direktoru Sona Əliyeva bildirib ki, tədbirin əsas məqsədi piyada və sərnişinlərin yol hərəkəti təhlükəsizliyi qaydaları ilə bağlı məlumatlılıq səviyyəsini yüksəltmək, liseydə təhsil alan müdavimlərə təhlükəsiz davranış vərdişləri barədə məlumat verməkdir.

Muxtar respublika fənn olimpiadasının və “Ürəklərdə yaşayan dahi” mövzusunda inşa yazı müsabiqəsinin qaliblərinin mükafatlandırılması mərasimi keçirilib.

Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, dövlətimizin hərtərəfli diqqət və qayğısı ilə təhsil müəssisələrinin maddi-tədris bazası daha da möhkəmləndirilib, tədris prosesi günün tələbləri səviyyəsində qurulub. Fənn kabinələri, fizika, kimya, biologiya laboratoriyaları zəruri avadanlıqlarla təmin olunub. Yaradılan şərait yeni təlim metodlarının, o cümlədən STEAM təhsil metodunun tətbiqi üçün geniş imkanlar açıb. Bütün bunlar isə təhsilin səviyyəsinin yüksəldilməsini təmin edib, istedadı və yaradıcı təfəkkürü ilə seçilən şagirdlər formalaşdırılıb. Belə şagirdləri aşkar etmək istiqamətində də müxtəlif tədbirlər həyata keçirilir. Bu tədbirlər sırasında hər il muxtar respublikada keçirilən fənn olimpiadaları və inşa yazı müsabiqələri mühüm əhəmiyyət kəsb edir.