Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə Naxçıvan Döyüş Şöhrəti Muzeyində növbəti açıq dərs keçirilmişdir.

Naxçıvan şəhər 17 nömrəli tam orta məktəbin hərbi rəhbəri Məmmədli Arzu “Qələbə sevincini yaşayan xalq” mövzusunda keçdiyi açıq dərsdə bildirmişdir ki, Vətəni sevmək və onu göz bəbəyi kimi qorumaq hər bir vətəndaşın vətəndaşlıq borcudur. Sentyabrın 27-də başlanmış vətən müharibəsi bu xalqın vətənpərvərliyini və vətənə olan sevgisini bir daha sübut etdi.  Ali baş kamandanın verdiyi hücum əmri ilə gənclərimiz səfərbər olunaraq əldə silah vətənin müdafiəsinə  qalxdılar.

Azərbaycan Respublikasının Prezidenti İlham Əliyev deyib: “İkinci Qarabağ müharibəsi tarixdə Azərbaycanın şanlı qələbəsi kimi qalacaqdır. Bu qələbənin qazanılmasında bütün xalqımız birlik, həmrəylik göstərmişdir... Biz bu müharibəni şəhidlərimizin canı-qanı bahasına, hərbçilərimizin rəşadəti hesabına, dövlətimizin siyasəti hesabına qazanmışıq”.

Muxtar respublikada Vətən müharibəsində iştirak edən və yaralanan hərbçilərin müalicəsinə xüsusi diqqət yetirilir.

Noyabrın 27-si Naxçıvan Muxtar Respublikası Təhsil Nazirliyi və Azərbaycan Milli Elmlər Akademiyası Naxçıvan Bölməsinin birgə təşkilatçılığı ilə Naxçıvan Dövlət Texniki Kollecində “Sabahın tədqiqatçıları” layihəsinin icrası ilə bağlı tədbir keçirilib.

Tədbirdə Təhsil naziri Rəhman Məmmədov təhsilə göstərilən dövlət qayğısından danışaraq qeyd edib ki, Naxçıvan Muxtar Respublikası Ali Məclisi Sədrinin diqqət və qayğısı sayəsində muxtar respublikada təhsil infrastrukturu yenilənmiş, müasir tipli yeni məktəb binaları inşa edilmiş, təhsil müəssisələrinin maddi-texniki bazası möhkəmləndirilmiş, təlim-tədris prosesi üçün yüksək tədris şəraiti yaradılmışdır. Ümumtəhsil məktəblərində müasir laboratoriyaların, elektron lövhəli siniflərin, kompüter otaqlarının və fənn kabinələrinin yaradılması, kitabxanaların dərslik və bədii ədəbiyyatlarla təmin edilməsi təhsilin inkişafına güclü təkan vermişdir.

Vətən yolunda şəhid olanlar əbədiyaşardırlar

Şanlı tariximizə yazılan Vətən müharibəsi Azərbaycan xalqının mübarizliyini və yenilməzliyini bir daha dünyaya nümayiş etdirdi. 30 il ərzində sülh yolu ilə geri alınmasına nail ola bilmədiyimiz torpaqlarımız ölkə başçısı, müzəffər Ali Baş Komandan cənab İlham Əliyevin rəhbərliyi ilə Azərbaycanın rəşadətli ordusu tərəfindən 44 gün ərzində düşməndən azad edildi. Çünki bu, bizim haqq işimiz idi. Ümummilli liderimiz Heydər Əliyevin də dediyi kimi: "Tarix həmişə hər şeyi öz yerinə qoyur".