Bu gün Kəngərli rayon Uşaq-gənclər şahmat məktəbinin təşkilatçılığı ilə “Yay məktəbi” adı altında “Yarımaçıq debütlər, Fransız müdafiəsi” mövzusunda növbəti onlayn məşğələ keçirilib. Məşğələnin keçirilməsində məqsəd şahmatçılara Yarımaçıq debütlər haqqında ətraflı məlumat vermək və ən məhşur debütlərdən biri olan Fransız müdafiəsinin oyunlar üstündə analizindən ibarət olub.

“12 Avqust-Beynəlxalq Gənclər Günü” münasibətilə Naxçıvan Muxtar Respublikası Basketbol Federasiyasının Kəngərli rayon bölməsi, Kəngərli Rayon Təhsil Şöbəsi, Uşaq-gənclər idman məktəbi və Gənclər və İdman İdarəsinin birgə təşkilatçılığı ilə oğlan şagirdlər arasında basketbol idman növü üzrə rayon birinciliyi keçirilib. Yarışın keçirilməsində əsas məqsəd yeniyetmə və gənclərin ahəngdar inkişafı, bədən tərbiyəsi və idman vasitəsilə sağlamlığın və fiziki hazırlığın möhkəmləndirilməsi və asudə vaxtın səmərəli təşkilindən ibarət olub.

Avqustun 12-də Sədərək Rayon Təhsil Şöbəsi və Uşaq Gənclər İdman məktəbin birgə təşkilatçılığı ilə “12 avqust-Beynəlxalq Gənclər Günü” ilə əlaqədar gənclər arasında stolüstü tennis yarışı keçirilib. Yarışda Təhsil Şöbəsinin əməkdaşları, Uşaq Gənclər İdman Məktəbinin məşqçi müəllimləri, şagirdləri və ümumtəhsil məktəblərinin şagirdləri iştirak edib. Maraqlı keçən oyunun yekun nəticələrinə əsasən I yerə Sədərək kənd 1 nömrəli tam orta məktəbinin XI sinif şagirdi İnci Salahova, II yerə Sədərək Rayon Uşaq Gənclər İdman məktəbinin dərnək üzvü Lalə Adınayeva, III yerə isə Sədərək kənd 2 nömrəli tam orta məktəbin IX sinif şagirdi Fəxriyyə Salahova layiq görülüblər. Qaliblər sonda təşkilatçıların diplom və pul mükafatı ilə mükafatlandırılıblar.

Sədərək Rayon Təhsil Şöbəsi, Naxçıvan Muxtar Respublikası Şahmat Federasiyasının yerli bölməsi və Sumqayıt Şəhər 2 nömrəli Uşaq Gənclər İdman Şahmat Məktəbinin birgə təşkilatçılığı ilə 18 avqust 2020-ci il tarixdə saat 10:00-da www.lichess.org platforması vasitəsi ilə məktəblilər arası onlayn yoldaşlıq görüşü keçiriləcək. Görüşün təşkilində məqsəd şagirdlərin şahmat biliyinin daha da artırılması və onların yay tətili müddətində asudə vaxtlarının səmərəli təşkilindən ibarətdir. Qarşılaşma 5+1 Blits sistemində keçiriləcək.